हे सूरज देवा-प्रतिभा पाण्डेय "प्रति" चेन्नई

शीर्षक:- हे सूरज देवा

विधा:- गीत

पानी के पियासल तिरिया, 

जोहत बाटिन बांट हो,

हे सूरज देवा,

जल्दी जल्दी आवा हमरे घाट हो,

हे सूरज देवा --2

रहम करा तीन दिन से, 

बाटी हम भूखल पियासल, 

बदरी में जाके काहे, 

करत हौआ लुकाछिपल__,

अब ना सतावा जल्दी हेन्हें आवा, 

हे सूरज देवा।

जल्दी जल्दी आवा हमरे घाट हो 

हे सूरज देवा---2।

अबकी बरस हम कईले बानी छठ पूजा, 

बनउले बाटी रच-रचकर हम ठेकुआ,

सूप के सजा बीच दीपक जलाईला ,

बांसे क बहंगिंया संग चलिला घाट हो, 

हे सूरज देवा। 

जल्दी-जल्दी आवा हमरे घाट हो ।

हे सूरज देवा--2।

अखण्ड सौभाग्य रहे करत बानी विनती, 

छठी मैया सलामत रखिहा बालक हमरे गोदी ,

मोर तिरिया क व्रत पावन झर-झर झरें नयनवा, 

पूरब दिशा में फैलाइदा ललकी किरनियां हो, 

हे सुरज देवा, 

जल्दी-जल्दी आवा हमरे घाट हो, 

हे सूरज देवा---2।

पानी क पियासल तिरिया ,

जोहत बाटिन बांट हो,

हे सूरज देवा, 

जल्दी जल्दी आवा हमरे घाट हो,

हे सूरज देवा-------------|

(स्वरचित)

प्रतिभा पाण्डेय "प्रति"

चेन्नई